SPORT TELEKANALINING “DADILLIK UCHUN SOVRIN” KO’RSATUVI

SPORT TELEKANALINING “DADILLIK UCHUN SOVRIN” KO’RSATUVI

SPORT telekanali orqali berib borilayotgan “Dadillik uchun sovrin” ko’rsatuvida estradamiz mashhur yulduzlari bilan qiziqarli sport shartlari, turli xil mashg’ulotlar o’tkazib, san’atkorlarni sportga bo’lgan qiziqishi qanchalik yuqori ekanligini ko’rsatib berishga harakat qilinmoqda. Mazkur ko’rsatuvning muallifi va boshlovchisi Lola A’zamova ikki yildan buyon ko’rsatuvni yuksak saviyada efirga uzatish uchun jonbozlik ko’rsatib kelmoqdalar.
Yaqindagina ko’rsatuv tarkibidan o’rin olgan “Viktorina” sahifasi oz fursat ichida o’z o’rnini topa oldi. Bu sahifada san’atkorlar sport shartlarini bajarib bo’lgach, muxlis va muxlisalariga o’z savollari bilan murojaat etishadi. Savolga to’g’ri javob yo’llagan muxlislar esa shahsan sevimli xonandasidan sovg’a qabul qiladi. Ushbu sahifa o’z ichiga yana ikki shartni qamrab olgan. Jonli ijro va ta’rif berish. Birinchi shartga ko’ra tashrif buyurgan san’atkor o’z qo’shiqlaridan birini jonli tarzda ijro etib berishi lozim. Ikkinchi shartda esa san’atkorlar oldiga bir qancha xonandalar ismi yozilgan qog’ozlar qo’yiladi va ishtirokchilar qog’ozlarni birini olib, u yerda ismi bitilgan xonanda yoki guruhni ism-sharifini aytmay xatti-harakatlar bilan ta’riflab berishi lozim. Bu qo’shiqchi kim ekanligini topgan tomoshabin maktub yo’llaydi va keyingi ko’rsatuvda ismi zikir etilgan estradamiz yulduzi ishtirok etadi. Keyingi sahifa esa “Mashhurlar siri” deb nomlanadi. Unda san’atimizning yoki sportimizning mashhur yulduzlari haqidagi mish-mish va ma’lumotlar berib boriladi. Ushbu sahifalar g’oyasi ko’rsatuv rejissori Mahmud Omonovga tegishli. Sahifalarni ikki ajoyib va g’aroyib qizlar – Nargiza Miroshilova va Dilafruzlar olib boradi.
Shu kunlardan boshlab ko’rsatuv www.shou-biznes.narod.ru sayti, “Humo” haftanomasi, 30-kanalning “Shou-biznes yangiliklari” ko’rsatuvi bilan hamkorlikda “Yulduzlar reytingi” loyihasini ham efirga uzatmoqda. Ushbu sahifani loyiha muallifi Mirtohir olib bormoqda.
“Dadillik uchun sovrin” ko’rsatuvining badiiy rahbari Alisher Shoyimov. Ko’rsatuv haqidagi fikr va mulohazalaringizni hamda takliflaringizni quyidagi manzilga yo’llashingiz mumkin:
Toshkent shahar, Navoiy-69, O’zbekiston televideniysi, SPORT telekanalining “Dadillik uchun sovrin” ko’rsatuvi. Tel: 114-14-18, 21-11-25

Ð¥Ð¾ÑÑ‚Ð¸Ð½Ð³ Ð¾Ñ‚ uCoz