Kvartet

Kvartet

Kirish so'zi

Respublikamiz hududida faoliyat yuritayotgan FM radiolar ko’p bo’lgani kabi ular haqidagi mulohazalar ham turlicha. Har bir radioning o’ziga xos dasturi, o’z «yuzi» bor. Radioning xalq orasida sevimli bo’lishi, el og’ziga tushishida radiojurnalistlar va boshlovchilarning o’rni katta. Ular tufayli radio o’z auditoriyasi va o’z muhlisiga ega bo’ladi. Ayni kunda yoshlarimiz orasida ommaviylashib ketgan «O’zbegim taronasi» radiosi va uning boshlovchilari sobiq «Sezam»chilar haqida ijobiy va tanqidiy fikrlarni aytish mumkin. Ajabtovur dasturlar, boshqa FM boshlovchilaridan tubdan farq qiluvchi boshlovchilik imiji... Boshlovchilar birgalashib «Kvartet» bo’lganiga nima deysiz? Mashurlikka intilishmi bu yoki qo’shiqchilikka havasmi? «Boshlovchi boshlovchiligini qilsin, xonandalar shundoq ham qo’ziqorindek bolalab yotibdi», «Kvartetning qo’shiqlari menga yoqadiki, audiotasmasi qachon chiqarkin, deb kutganim kutgan»... Bu mavzuda yakdillik yo’q. Ammo umumiy qiziqish bor: «Kvartet»chilar qanday insonlar o’zi?

Intervyu

Saida’lo: Men Toshkent davlat texnika universtitetini bitirdim. Talabalik damlarimda asosiy vaqtimni «Sezam» radiosida o’tqazdim. «Sezam» yopilgandan so’ng bizni «O’zbegim taronasi» radiosiga taklif qilishdi. Hozirda biz ya’ni «Kvartet» guruhi shu radioda faoliyat yurityapmiz.
Rustambek: «Sezam» radiosi yopilgandan so’ng «Tarona Rekords» studiyasi biz - «Kvartet» guruhi bilan shartnoma imzolayotganda, studiyaning direktori Ravshan aka taklif kiritdi: Nima deysizmi? – biz esa - Nimaga? – deb so’radik. Albatta «O’zbegim taronasi» radiosiga boshlovchilik qilishga-da... Hozida biz shu radioda dushanbadan jumaga qadar, chorshanbadan tashqari «Kvartet taym» dasturi bilan chiqish qilayapmiz.
Mc Shod: Ayni kunlarda Mirzo Ulug’bek nomidagi Milliy universtitetning jurnalistika bo’limida tahsil olyapman. Hozirgi kunda biz guruh uchun yangi 3 ta qo’shiqni tayyorlab qo’ydik. Qo’shiqlarimiz qolgan guruh, xonandalardan mavzu jihatdan farqliroq bo’ladi. SMS hamda chat orqali tanishgan yigit-qizlarga bag’ishlangan mavzuda ham qo’shiq bo’ladi.
Mr Jocker: Men haqiqiy ismimni sir tutaman. Toshkent Davlat Texnika universittetida tahsil olishim esa sir emas. Oilada birinchi farzahdman. 7-sinfgacha Respublika o’rta maxsus san’at maktab litsey-internatining rassomchilik yo’nalishida o’qiganman. Ammo musiqaga ham befarq emasdim. Shu qiziqishim ustunlik qilib, ovoz rejissorligining ayrim bir sirlarini o’zim o’rganib olganman. Ustozim yo’q. Ammo biron narsani o’rgatgan inson borki, ustozim deb bilaman.
Rustambek: 8-mart kuni «Kvartet» guruhi 1 yoshga to’lgan. Bu guruhning tashkil topishi ham qiziq bolgan. Bizga musiqani juda sevuvchi Mr Jocker ovoz rejissori bo’lib ishga kirgan. Kunlardan bir kuni u ozining sevgan qiziga bag’ishlab yozgan «Gulim» qo’shig’ini menga pianinoda chalib berdi. Qo’shiq menga juda ham yoqib qoldi. Shu qo’shiqni duet tarzida aytishni taklif qildim. Jocker ham hursand bo’lib, rozi bo’ldi. Biz mashq qilib o’tirganimizda, eshikdan Saida’lo kirib kelgan. Nima qilyapsizlar, deb. Bizning niyatimizni bilgach esa kulib, nahot meni esdan chiqardinglar, dedi. Shu zailda u ham safimizga qo’shilgan. Qo’shiqni studiyada yozadigan kunimiz uning repli qismini kim ijro etishi mumkinligi haqida o’ylab qoldik. Shunda Mc Shod shu joyini men kuylay qolay, deb qoldi. Shundan keyin guruhimiz to’rt kishidan iborat bo’ldi. Guruhimiz nomi esa qo’shig’imiz priemerasidan 5 daqida oldin topilgan.
Mc Shod: Avvalari repni umuman yoqtirmasdim. Mr Jocker, DJ Rustambek, Saida’lo ta’siri ostida shunchalik kirishib ketdimki, endi orqaga qaytmayman. Yana bir sababi, Mc Shon Pol degan, qo’shiqchi bor. U menga juda yoqadi, ijodi muhlisiman.
Bir yarim yil davomida 10 ta qo’shiq yaratdik. Ulardan sizga tanishi «Hech kim», «Tilak», «Ononoy», «Sezam», «Gulim», «Pump it up» remix ko’rinishi bilan hamda «Kvartachka» qolganlari yaqin orada bizning radioda premerasi bo’lib o’tadi. Boshqa qo’shiqlarni eshitib o’tirganimizda har hil fikr-goyalar keladi. Agarda bizga yoqmaydigan joyi bo’lib qolsa, u holda qo’shiqni yanada boyitishga harakat qilamiz.
Rustambek: G’oyalarni kim beradi, degan fikr uyg’onishi mumkin, sizda. Har doim har-hil. Masalan, Mr Jockerdan chiqqan fikrga men o’z fikrimni qo’shishim mumkin, Mc Shod, Saida’lo ham o’z fikrini aytishi mumkin. Yakunida bitta yaxshi g’oya paydo bo’ladi: 4 kishining fikri majmuasi: Albom chiqarish niyatimiz bor. Hammasi bo’lib, 10 ta qo’shigimiz tayyor. Bu albatta kam. Yana 3 ta qo’shigimiz hali studuyada, yozilmagan. Xudo hohlasa, yozib bo’lganimizdan so’ng muhlislarga audio, CD albomlarimizni taqdim etamiz.

Ulug’zoda tayyorladi.

Sahifalarga o'tish:

Ð¥Ð¾ÑÑ‚Ð¸Ð½Ð³ Ð¾Ñ‚ uCoz