Sogdiana kim bilan duet kuylaydi?

So'nggi paytlarda eng sermahsul ijod qilayotgan xonanda bu shubxasiz maftunkor Sogdiana. Buni qarangki Sogdiana bilan duet ijro etish istagida bo'lgan erkak xonandalar soni kun sayin ko'payib bormoqda. Ularni ismlarini aytib o'tirishning xojati yo'q. Sogdiana kim bilan duet ijro etadi? Mana shu savol hozircha ochiqligicha qolmoqda. Ammo yaqin kunlarda u kim bilandir duet ijro etishi aniq.

Davron Ergashev AQSHga yo'l oladi!

"Ispan Mariosi" - Davron Ergashev fevral oyinin ikkinch yarimida AQSHning Florida shtatiga yo'l oladi. Safardan maqsad bahor faslida bo'lib o'tishi rejalashtirilayotgan konsert dasturiga ajabtovur kiyimlar olib kelish. Zero, Davron Ergashev yangi yakkaxon konsert dasturini o'zining yangi yo'nalishidagi qo'shiqlari asosida o'tkazmoqchi. Shu kunlarda Davron Ergashev ko'pchilik intiqib kutayotgan "Egov-egov" qo'shig'iga ishlangan ajoyib klipni muxlislar hukmiga havola etmoqchi. Darvoqe, 14 fevral sevimli san'atkorimizni tavallud topgan kuni. Shu munosabat bilan Shou-biznes olami sayti Davron Ergashevni chin ko'ngildan muborakbod etadi. Agarda siz ham sevimli san'atkoringizni tabriklash niyatida bo'lsangiz bemalol "davronergashev@mail.ru" elektron pochtasiga o'z tabrikingizni yo'llashingiz mumkin.

Lola turmush o'rtog'i bilan ajrashdimi?

Mana shu savol barchani birdek qiziqtirmoqda. Savolga javob esa quyidagicha: "Yo'q, turmush o'rtog'im bilan ajrashmadim. Bularning bari mish-mish, xolos. Konsertdan so'ng biroz chet elda dam olib kelsam, bu yerda shunday gap-so'z" - deydi, Lola. Ayni kunda Lola Shahnoz so'zi va musiqasi, Ravil Gimazutdinov aranjirovkasi bilan "Romeo va Jul'etta yohud la'natlangan sevgi" filmi uchun "Muhabbat hech qachon o'lmaydi" ma'nosini anglatuvchi yangi qo'shiq tayyorladi. Tez kunlarda ushbu qo'shiq va unga ishlangan saundtrek shaklidagi klipni TV orqali tomosha qilib, tinglashingiz mumkin bo'ladi.

Tohir Sodiqov: "Hech kimdan kam bo'lmas o'zbek!"

Ha, bu gapda jon bor. Darhaqiqat, hech kimdan kam bo'lmas o'zbek. Tohir Sodiqov aslida klip suratga oldirishni yoqtirmasligi hammaga ma'lum. Ammo negadir Tohir Sodiqov aynan vatanparvarlik ruhida yozilgan qo'shig'iga klip suratga tushiryapti. Xonandaning aytishicha klip umuman o'zgacha chiqar emish. Yana bir yangilik Tohir Sodiqov o'z muxlislari uchun yangi albomini bahor fasliga qadar tuhfa etmoqchi. Albomdan 10 ga yaqin yangi qo'shiglar o'rin oladi. Bu qo'shiqlar ham muxlislar qalbida uzoq yillar davomida saqlanib qolishi shubhasiz. Zero, Tohir Sodiqovning har bir qo'shig'i hit darajasigacha chiqadi. Demak, kutishdan o'zga chora yo'q. Nima ham qilardik, kutamiz!

"Leyla", "Naynov" - qay biri hit bo'ladi?

Shohruh repper 17-18-19 fevral kunlari Xalqlar Do'stligi saroyida bo'lib o'tadigan ilk yakkaxon konsert dasturi oldidan juda ham hayajonlanyapti. Ammo bu hayajonlar yangi qo'shiqlar yaratishga hech ham halaqit qilmayapti. Konsertga tayyorgarliklar ayni avjiga chiqqan palla. Ajoyib dekoratsiya, beo'xshov raqslar, o'ziga xos uslubdagi qo'shiqlar, bularning bariga konsertda guvoh bo'lasiz. Konsert mehmoni Shahzoda. Shohruh hamda Shahzoda birgalikda kuylagan "Qayt" taronasi juda ham ommalashganligi ayon. Shohruhning navbatdagi qo'shiqlari ham hit bo'ladimi yoki yo'qmi? Bunisi hozircha noma'lum. Biroq, tez kunda muxlislar hukmiga havola etiladigan "Leyla" hamda "Naynov" nomli yangi taronalar katta shuhrat qozonishi kutilyapti. Qay biri hit darajasiga chiqsa, o'shanisiga klip ham suratga olinadi.

Ularning orasida ne gap?

O'zbek estradasida o'ziga yarasha o'ringa ega bo'lib kelayotgan Masrur Usmonov haqida ham turli gap-so'zlar yuribdi. Emishki, Masrur klipida suratga tushgan Oleysiya ismli qiz bilan bir-birlarini sevishar ekan. Bu gapda jon borga o'xshaydi. Zero, ahamiyat bersangiz Masrurning "Azizam" hamda "Sog'inib-sog'inib" nomli qo'shiqlariga ishlangan har ikkala klipda ham o'sha qiz suratga tushgan. Ayniqsa ikkinchi klipdagi hatti-harakatlar mish-mishlarni haqiqat ekanligiga ishonishga undaydi. Bu haqda Masrurning o'zidan so'raganimizda u javob berishdan bosh tortdi. Bunisiga nima deysiz? Agarda sizni ham bu savolga javob qiziqtirsa, "masrurusmonov@mail.ru" elektron pochtasiga o'z maktubingizni yo'llang. Balki, xonanda aynan sizga haqiqatni so'zlar.