Bir vaqtning o�zida ham aktyorlik, ham xonandalik yo�nalishida ijod qilayotgan Samandar Hamroqulov ijodida oz fursatli sukut bo�lgandek go�yo. Mana shu oradagi jimlikka nima sabab bo�ldi?

- Hech qanday sukut bo�lmadi, deb hisoblayman. So�nggi paytlarda ko�pgina viloyat va shaharlarda konsertlar berib qaytdim. Bu vaqt ichida o�z imijim va qo�shiq kuylash yo�nalishimni o�zgartirdim. Shulardan eng muhimi, matbuot kotibim bo�lmish Ayler (taxallusi), 6 oy mobaynida Moskva shahrida shou-biznes yo�nalishi bo�yicha tahsil olib qaytdi, u yerdagi gazetalarning birini tahririyatida orttirib, yangi bir loyiha bilan qaytib keldi. Bu loyihani shu yilning kuz oylarida muxlislarga taqdim etish niyatidaman.
- Samandarning reytingi tushib ketdi, degan fikrlarga qanday qaraysiz?
- Men bu gapga hech ham qo�shilmayman. Ochig�i, mana shunday mish-mishlar tarqatadigan ba�zi gazetalarni yoqtirmayman. Mana shunday mish-mishlar san�atkorning oyog�iga bolta urilishiga sababchi bo�lyapti. Xalq orasida, konsertlarda bizni juda yaxshi kutib olishyapti.
Suhbatga Ayler qo�shildi.
- Misol uchun, Buxoro shahrida bo�lib o�tgan konsert gastrollarimizda katta sport majmuasi tomoshabinlarga liq to�ldi. Tomoshabinlar imkon qadar maydonga chopib chiqishga va sevimli xonandalari yoniga chopib kelishga harakat qilishardi. O�sha kuni militsiya xodimlari yordami va ijodiy jamoamiz yigitlari bilan bir amallab, Samandarni maydondan olib chiqib ketdik. Mehmonxonaga qaytganimizda u yerga yig�ilgan odamlarni ko�rib, hayratda qoldik. Ochig�i, bu darajadagi munosabatni kutmagandim. Muxlislarga rahmat.
- Suratga tushgan filmlaringiz qatoriga �Oydin kechalar� ham qo�shilibdi. Yaratgan obrazlaringiz haqida nima deya olasiz?
- �Chayongul� filmidagi Ashur obrazi menga yoqadi. Hatto u salbiy obraz bo�lsa ham. Umuman har bir ijro etgan rolimning menga yoqadigan jihatlari bor. �Muhabbat sinovlari� badiiy filmida ziyoli yigit Bobur obrazini talqin etdim. Ochig�i, bu obraz menga juda ma�qul kelgan. Hattoki mana shu filmning 3-qismini olamiz deyishsa, yo�q demasdim. Bilmadim, xalqqa yoqadimi, yo�qmi? �Taqdir� filmida Otabek Madrahimov bilan do�stlar rolini ijro etganmiz. U yerdagi qahramonimning ismi Jamshid edi. Bir-ikki epizodlarda ishtirok etganman, xolos. Kichik rol bo�lgani sababli ham qiyinchiliklar deyarli bo�lmagan. Bu filmni ijodkorlari hamda homiylariga katta hurmat bilan qarayman. Chunki, ular aktyorlarni o�z rolini yaxshi ijro etib berishi uchun bor imkoniyatlarini ishga solishdi. �Muhabbatimsan� filmini suratga olish jarayonida boshqa filmlardagidan farqli ravishda qiyinchiliklar ko�proq bo�ldi. Bir oy Xorazmda bo�lishimizga to�g�ri keldi. Hatto Xorazm shevasida so�zlashishni ham o�rganib oldim. Bu filmda ham talaba yigit obrazini talqin etish zimmamga yuklatilgan edi. Ular qo�ygan talabni baholi-qudrat bajarishga harakat qildim. �Oydin kechalar� filmiga o�tsak, bu filmning scenariysi menga yoqdi. Shu paytga qadar qo�limga olgan scenariylar ichida ko�proq menga yoqqani ham shu bo�ldi. Sevgi-muhabbat bobidagi qiyinchiliklar ushbu scenariydan o�rin olgan. O�zim boshimdan o�tkazgan voqealar ham bilib yozilgandek tuyuldi menga. Bu filmda men bilan birga Lola ham rol ijro etyapti. �Sevinch� badiiy filmini ko�rganimda menda Lolaga nisbatan mehr-muhabbat uyg�ongan edi. Filmdagi uning ijrosi menga juda ham yoqqandi. Ijodiy guruhning barcha ijodkorlari Lolaga tan berdi. Qizig�i, u aktyorlik bo�yicha saboq olmagan. Film qahramonlarini 40 yoshlik vaqtiga qadar muhabbat dardi qiynaydi. Meni bu filmda muxlislar qanday qabul qilishadi, bilmadim. Axir 40 yoshli Samandarni har kuni ham ko�rishavermaydi-da. Pardozchilarning mahorati evaziga men 40 yoshni ham qarshilab qo�ydim. Bu rolimni tomoshabinlar qanday qabul qilishlari meni juda qiziqtiradi.
- AQSHda aktyorlik kurslarini o�tayotganingizda, Xollivud filmiga rol ijro etishga taklif qilishgan ekan, shu rostmi?
- Bu Xollivud filmi emas. 2004 yilning dekabr oyida AQSHning Florida shtatida videokliplar va qo�shiqlar festivali bo�lib o�tdi. Festival so�nggida germaniyalik ijodkor Robert Xeggart ajoyib loyiha ustida ish olib borayotgani va unda ishtirok etishimiz mumkinligini aytib qoldi. Filmni suratga olish ishlari AQSHda: Mayami, Los-Anjeles hamda Xollivudda bo�lib o�tadi. Bu film estrada yulduzlari, ularning shou-biznes olamiga kirib kelishi haqida. Suratga olish ishlari esa qish fasliga mo�ljallangan. Loyiha tashkilotchisi � Robert Xeggart.
- Demak, bu filmda suratga tushishingiz aniq?
- Filmning foto va video tanlovlari bo�lib o�tgan. 240 nafar ishtirokchi ichidan faqatgina 14 kishini tanlab olishlari kerak edi. Ayni vaqtda matbuot kotibimRobert Xeggart studiyasi bilan bog�lanib, qish oylaridagi safarimiz haqida muzokara yuritmoqda. Film ekran yuzini ko�rmaguncha savolingizga aniq javob bera olmayman (kuladi)!
- Muxlislar orziqib kutayotgan yangi yakkaxon konsert dasturingiz qachon bo�lib o�tadi?
- Konsert dasturiga hozirdan tayyorgarlik ketyapti. Aslida bahor oylarida qo�ymoqchi edik, reja bo�yicha. Bu konsert avvalgilariga umuman o�xshamaydigan yangi yo�nalishdagi shou dastur bo�ladi. Yangi qo�shiqlar, kliplar, liboslar tayyorlayapmiz. Konsert oldidan albatta matbuot va radio orqali kasting elonini beramiz. Kasting shartlari va o�tkaziladugan manzilni �shou-biznes.narod.ru� sayti orqali bilib olishingiz mumkin. Bu loyiha juda ham ajoyib tarzda o�tadi va O�zbekistonda hali hech kim uyushtirmagan shou-dastur bo�ladi.

Mirtohir Mirg�ulomov suhbatlashdi.

Mazkur intervyudan foydalanilgan holda sayt manzilini va suhbatdosh ismi-sharifini ko�rsatishni unutmang!