Сунгги пайтда режиссёрлик сохасида узини синаб куришга карор килган ижодкор Бурхон Шаропов — сахифамизнинг навбатдаги мехмони. Бурхон Шаропов ушбу сахифадаги энг яхши хикоя учун уз совгасини — девор соатини такдим этди.

Мени тинч куйинг, йигит!
Олийгохнинг учинчи боскич талабаси эдим. Дарслар тугагач, шошилиб уйга кетаётсам, йулда яна уша нотаниш йигитни (назаримда, у мени бир неча кундан бери кузатаётгандек эди) учратдим. У изимга тушди...
Пиёда кетяпман-у, ортимдан бояги йигитнинг изма-из келаётганини ич-ичимдан хис этиб турибман. Мана, метро бекатига хам якинлашиб колдим. Аксига олиб, "издошим" хам зинапоялардан туша бошлади. Эътибор бермасликка харакат килдим. Лекин ойлик йул чиптамни назоратчи аёлга курсатиб утаётганимда, халиги йигитнинг "жетон" олиш максадида оркасига кайтганини курдим. Эскалатордан пастга тушиб, "Эшиклар ёпилади" деган овозни эшитишим билан узимни вагонлар ёнидаги тирбанд одамлар орасига урдим. Бир махал киришга кириб олдим-у, озгина ичкарига утай десам, биров оркамдан куйлагимни тортди. Хаёлимга халиги нотаниш йигит хам улгурибди-да, деган уй келди. Жахлим чикди. "Куйиб юборинг, куйиб юборинг деяпман сизга!", дея зарда билан оркамга угирилганимни биламан, карасам, куйлагимни вагон эшиги кисиб олибди. Ёнимдагиларнинг кулгисидан кизариб, ерга карадим. Кейинги бекатга етгунимизча шу холда туришимга тугри келди...
Насиба.

Туя — минг танга... Кани минг танга?
Менга бу вокеани дустларим гапириб беришганди. Балки бу жудда оддий хикоядир. Аммо дустлар даврасида уни эшитиб роса кулгандик. Вокеани биринчи шахс номидан сузлаб бераман. Шуниси кизикрок.
Автобусда кетаётгандим. Одам куп эмас. Шу пайт ёнимга чипта назоратчиси якинлашди. Хар куни шу йуналишда юраман. Мана шу назоратчи мени яхшигина таниб хам олган. Доим ойлик йул чиптамни курсатсам, кайрилиб карамасди хам. Шуни назарда тутиб, бугун чиптамни чунтагимдан чикариб утирмадим. «Менда «проездной», дедим унга караб. «Курсат!» деди у ишонкирамагандек курсатиб узини. Бу менинг жахлимни чикарди. Назоратчининг кейинги гапи эса гаров уйнашга булган иштиёкимни алангалатиб юборди:
— Хар куни «проездной»да юрганим учун таниб олган, керак фурсатда текинга хам юравераман деб уйлайсанлар. Аник биламан, хозир ёнингда «карточканг» йук!
— Келинг, гаров уйнаймиз, агар менда «проездной» булмаса, мен сизга минг сум бераман, агар «проездной»им булса, сиз менга минг берасиз.
— Бупти!
Келишдик! Ёнимизда бахсимизнинг гувохи булиб турган бир талаба йигитга мен хам, назоратчи хам минг сумдан пулни тутказдик. Талаба нашидасидан маст холда чунтагимга кулимни сукдим...
Бекатда эшиклар очилди. Хакам-йигит бизни бир итариб, узига йул очди-да, автобусдан сакраб тушиб югуриб кетди. Кулимда ойлик йул чиптамни тутганимча котиб туриб колдим. Назоратчи кулимдаги чиптага каради-да, индамай нари кетди. Гаровда ютказгани учун минг сумига ачинмади хам. Уша минг сумига кушилиб, менинг минг сумим хам халиги устамон талабанинг чунтагига тушганига ичида хурсанд хам булгандир...
Хуршид.

Абонент вактинча жавоб беролмайди
Бир куни дустимникига йигилдик. Дустимнинг уч ёшлар чамаси кизчаси мехмонхонага кириб олиб, диванга утириб олди-да, бизни зимдан кузатишга тушди. Кизалок кулида худди уяли телефон куринишида ишланган калькуляторни кутариб олибди. Дустларимиздан бири — Собир кичкинтойларнинг кунглини олишга жуда уста. У кизчанинг ёлгизланиб колганини куриб, секин гапга солди.
— Севинч, кулингдагини менга бериб тур.
Кизалок кулидаги «уйинчоги»ни амакига узатди. У эса уз навбатида кандайдир тугмаларни босган булди-ю, «телефон»ни кулогига тутди. Мавжуд булмаган сухбатдоши билан гаплаша бошлаганда, кизча диккат билан унга караб турди ва суради:
— Кунгирок килдингизми?
— Ха, дустим билан гаплашиб олдим. Рахмат телефонинг учун!
Кизча хайрат билан яна бир оз тикилиб турди-да, сунг деди:
— Собир амаки, жиннимисиз? Ахир бу калькулятор-ку?
Биз унга караб жим булиб колдик. Хонадан чикиб кетаркан, Севинч бизни янада лол колдирди:
— Хозирги ишингизни дугоналаримга айтиб берсам, кула-кула ичаклари узилиб кетса керак...
Даврон.

«Сашка? Не Сашка!»
Русчани жуда келиштириб гапирмасам-да, яхши тушунаман. Амал-такал килиб фикримни тушунтира оламан. Бир куни уйда ёлгиз колдим. Телефон жиринглаб колди. Гушакни кутарсам, бир рус йигит сураяпти: «Сашу можно?» «Бошка ерга тушиб колдингиз» деган жумлани рус тилида кандай айтишни билолмай колдим. Эвараларим кунда неча марта айтишарди-я... Гушакдаги овоз бесабрлик билан саволини яна кайтарди: «Можно Сашку?» Кейин шошганимдан шундай дебман: «Cашка — не Сашка! Узбек Сашка!» «Бу ерда Сашка деган йигит яшамайди, узбеклар яшашади» деганим булди-да бу. Гушакни куйгач, узим хам кулиб юбордим. Беухшов гапирганимни билдим-да... Эвараларимга гапириб берсам, бирам кулишди, бирам кулишди...
Каромат буви.

Сахифа мехмони
Бурхон Шаропов
• Туйлардан бирида менга табрик навбати беришди. Келин-куёвни табрикладим. Нима жин урди-ки, кушимча килиб латифа хам айтиб бермокчи булдим. Латифани бошлашга бошладим-у, тугалланиши ёдимдан кутарилди. Хаяжондан нима дейишни хам билмай, жим туриб колдим. Мени бу нокулай вазиятдан чикарадиган бир инсон йук. Чамаси 3 дакика утди. Сукунат. Хамманинг кузи менда. Бирдан мехмонлар вазиятни тушунишди шекилли, ках-ках отиб кула бошлашди. Мен хам уларга кушилдим. Шундан буён туйларда сузга чикишдан кочиб юраман.
• Бу вокеа якиндагина содир булди. Режиссёрлик сохасидаги илк ишим — «Жоним, сени...»ни Бадиий кенгаш куригидан утказишимиз лозим. Сунгги лахзаларда Бадиий кенгашга такдим килиш учун фильмни видеокассетага ёзиб куймаганимизни эслаб колибмиз. Фильм бир соат-у кирк дакика давом этади. Фильмни кучириб олишга шунча вакт кетди. У ёкда Бадиий кенгашдагилар бизни сабрсизлик билан кутишаётганини уйлаб, жоним халак. Нихоят, шоша-пиша кассетани кулга олиб, манзилга етказдик. 12 кишидан иборат хайъат аъзолари фильмни куриб, бахолашга тайёр булиб утиришибди. Фильмни куйдик. Хеч кандай тасвир йук! Шошганимиздан буш видеокассетани кутариб келган эканмиз...
Сахифа мезбони: Миртохир МИРГУЛОМОВ.