1) Ясмина, келинг сухбатимизни анъанавий саволлардан бошласак, санъат оламига кириб келишингиз кандай булди?
- Бундан 10 йиллар мукаддам гулгунчадек кизалок дунёга узига хос нигох билан назар солиб яшарди. У уз оламининг ёлгиз маликаси булиб, уз дунёсида хукм сурарди. Кунларнинг бирида бу жажжи малика салатанатига сохибжамол бир шахзода ташриф буюрибди-ю ва маликанинг бутун фикри хаёлини ром этиб куйибди.
Хикоям мисоли эртакдек. Лекин бу айнан менинг хаётим, менинг дардим. Бировларни санъатга кизикиши, кумирларига таклид килиши олиб келса, мени худди илохий бир туйгу етаклаб келди. Уша пайтлар севги мухаббат, ишк, малика-ю шахзодалар хакида факат эртакларда укирдим. Хаётда эса уша туйгу бир кун келиб мени хам асир этишини уйламабман. Хуллас, менинг хаётимда уша "шахзода" пайдо булди-ю хаётим тубдан узгарди. Унинг юксак орзуси таникли кушикчи булиш эди. Менинг орзуим булса, каерда булмасин у билан бирга булиш эди. Менинг хар бир дакикам хар бир сониям хам унинг номи билан боглик эди. Юрагимда кандайдир тушунарсиз тугенлар кузгалон бошлаганди. Бу уша “севги-мухаббат” эканлигини тушундим. Мен бутун вужудим билан унинг дунесида яшай бошладим. Унга таклид кила бошладим, у билан бирга кушик айтишга харакат кила бошладим. Келажакда зур гурух буламиз, деб орзулар килардик. Орзуларимиз дуне-дуне эди. Мен дунедаги энг бахтиёр инсон эдим. У менинг куешим, мен эса унинг митти учкуни эдим.
Лекин худди эртакдек бошланган достон, эртакдек тугай бошлади. Икки ошик калбни боглаб турган ришталар аёвсиз узилди. Афсуски, атрофдагиларни бу жажжи икки калб мухаббати ишонтира олмади. Катталар учун бу тушунарсиз хол булиб туюлди. Ёки улар шунчаки эътибор беришмади. Ва мен оилам билан узок юртларга кучиб кетишга мажбур булдим. Узок Римда 7йил олтин кафас асираси булиб яшадим. Ижод килдим, гузаллик конкурсларида иштирок этдим, "Мисс Милан" унвонига сазовор булдим. Ошикларим охири куринмай колди. Менинг калбим, вужудим менинг Тошкентимда кичик ховлимизда дарахт соясида утириб утказган машкларимизда ва менинг "Шахзодамда" эди. Бир кун келиб у мени кидириб топишига негадир ишонардим. Шунинг учун атрофимдаги бошка шахзодаларни тан олмасдим. Йиллар утиб мен балогат ёшига етдим, уз фикрим, уз хохишларим ва талабларимга, умуман уз хукукимга эришгач Тошкентга шошилдим. Етиб келдим. Уни изладим.Топдим. Афсуски, кабрини. Куз ёшлар, алам, дард уша кунлар гуёки дунё охирига етган эди. Лекин мен бир нарсани тушундим. Мен яшашим керак, мен у билан ушалмаган орзуларимиз учун хам яшашим керак. Уша севги уша мухаббат хурмати хам яшашим керак. Мен яшайман, менинг шахзодам! Мен биз орзу килган чуккиларни забт этаман ва ишонаман, сен доим мен билан бирга буласан. Мен сени севаман!
2) Ясмина, сизга бир карашда шунчалар куп алам ва ташвишларни кечирган дейиш кийин. Шунга карамай сиз узингизни йукотмагансиз. Демак, сиз иродали кизсиз?
-Ха, мен хам уз иродамга эга эканлигимни энди тушуниб етдим. Иродали булишда гап куп экан. Умуман мен 7 йил Италия шоу-бизнесида булдим, Россия шоу-бизнесини тузини тотиб курдим. Мен Москвада ижод бошлаганимда мен билан бирга кичикина Малинин хам ижодни бошлаган эди. Менинг бу дунё кезишларим менга куп нарсани ургатди. Жумладан, иродали булишни ва акл билан иш килишни хам.
3) Узингиз яхши биласиз, санъат узаро соглом курашдан иборат, ким голиб булса, уша юкори чуккига чикади. Сиз бу курашдан чучимайсизми?
- Биласизми, мен гуёки бу кийинчиликлардан утгандайман ва олдинда турган тугонлар, тусиклар мен учун у кадар куркинчли эмас, деб уйлайман. Мен айнан максадимга эришиш учун хеч кандай тусиклардан чучимайман. Кимирлаган кир ошар. Мен шу маколга амал килиб яшайман. Яна хали хаёт олдинда хаммасини вакт курсатади. Санъатдаги кураш эса бу табиий хол, уларга хохлайсанми, йукми барибир тукнашасан. Шунинг учун мен бу кадамимни онгли равишда англаган холда куймокдаман. Яна ким билади, дейсиз балким мен хаётимда энг куркинчли кийинчиликлардан утиб булгандирман?! Хар кандай вазиятда хам аслини олганда ёлгиз яратганга суянаман, колган хаммаси агар билсангиз уткинчи.
4) Санъаткор ва мухлис уртасидаги тафовут кандай булиши керак?
- Менимча хар бир санъаткор ва унинг мухлислари уртасидаги тафовут узига хос булса керак. Ёки санъаткор мухлислари учун доим кандайдир сирли инсон булиши керак. Жуда очик ойдин булса хам унинг кизиги булмайди. Оддий инсонлардан фарк килиши керак албатта. Билмадим балким саволингизни тушунмагандирман, тафовут, дегани менимча ухшашлик ёки фарк булса керак? Албатта санъаткор мухлисларидан кийиниш жихатидан хам, узини тута билиши ва умуман эстетик жихатлари юкори даражада тарбияланган булиши керак. Бунинг учун у, яъни санъаткор доим элнинг назаридаги инсон булганидан кейин купчиликни орасида сузлашиш манераси хам, асабларини бошкара билиши хам, ва атрофдагиларни хурмат кила билиши хам катта мехнат талаб килади. Хакикий санъаткор менимча, аввалам бор узини хурмат кила билиши керак ана ушандагина у бошкаларни хам хурмат кила олади, деб уйлайман. Мавзудан четлаб кетмадимми?
5) Санъатдан буш вактингизда нималар билан шугулланасиз?
- Санъатдан буш вактимда... Бошкаларнинг санъатини кузатиш билан банд буламан. Маълум вактларда эса сартарошга бораман, гузаллик салонларига бориб тураман, белгиланган вактда вокал билан шугулланаман. Лекин бу юришларим хам иш фаолиятимни бир кисмига киради. Умуман буш вактларимни бекор кетмаслигига харакат киламан. Вактдан унумли фойдалана билишни урганиш, менинг доимий изланишимга киради.
6) Сиз Узбекистонимизнинг шоу-бизнесида янги "фукаросиз", сизнинг бор йуги бир нечта кушикларингиз ва иккита видео клипингиз борлигидан хабардормиз. Купайиб келаётган мухлисларизга яна кандай янгиликлар яратмокчисиз?
-Мен купайиб келаётган мухлисларимни аввалам бор кун сайин эмас, соат сайин купайиб боришларини истардим (кулади). Мен шу кунларда яна бир ажойиб таронани ёзиш арафасида турибман, бу таронанинг куйи Рахмат Нормуротовники, матни эса Иброхим Жиянов каламига мансуб булиб, кушикнинг номи "Кет ёнимдан" деб номланади. кушикни "Тарона Рекордс" студиясида ёзмокчимиз. Уйлайманки, кушигим тингловчилар калбидан жой олади. Ва тез кунларда шу кушигимга хам клип суратга олиш ниятимиз йук эмас. Яна бир нечта тайёр мавзулар турибди, уларга хам яхшилаб ишлов берганимиздан кейин дархол ёзишга тушамиз. Хуллас, келаси йилга бахор ойларига биринчи альбомимни чикариш ниятим бор.
Айлер сухбатлашди.